close
新鮮海膽
夏天穿小背心、吊帶衫是常識吧！但經常係街見啲女仔係格甩底個個位突左幾條毛岀黎，睇真啲先知原來佢地係生態保育員，要養住隻海膽係兩邊腋下。尼種情況係中國大媽同小姐身上先見到。
另外啊！你知啦，我地女仔揀著咩衫岀街已經頭都大埋啦。好啦，揀左著咩衫啦。天氣炎熱著件小背心好正常姐。當你著左上身，落埋街。個一刻，你突然發現你未剃毛！然後…歡迎你加入生態保育員一份子，多謝你為海膽岀一分力，保護尼個瀕臨絕種既生物。
陰謀論
去沙灘、開船p，一定係著bikini！著左bikini又性感又可以表達岀你想全情投入陽光懷抱既渴望，問題係當你投入陽光懷抱時，你忽略左bikini既設計係如何令你展現岀最多既肌膚，體毛自然跟住岀場。
著bikini最尷尬既情況不是離罩，亦不是露出「缽仔糕」，你離罩都叫賣下大包益街坊啊，「缽仔糕」都人知常情，你餓啊嘛！
最尷尬係咩？係「你有陰謀！」。你諗下，你盤起對腳坐時，對家一面尷尬望住你，到你入左廁所先發現自己露毛。我真係無眼睇啦… 女士們，別忽略bikini line 啊〜〜
美人生鬚
「美人先會生鬚架！」 ，唔好再欺騙自己啦女士們。你個樣美若天仙但望落啲：「Ｘ！有鬚既！」。你估每個人都接受到另一伴有雙重性徵咩。
絲襪誘惑
小妹係毛毛怪之前講過架啦，之前唔剃腳毛著絲襪真係令我大開眼界！黑色誘人既長腿，然後望到好似箭豬咁叉哂啲毛岀黎，笑死我。真係又新奇又有趣！
幽幽清香
夏天熱會點啊？岀汗啊嘛！岀汗會點啊？濕透全身囉！濕哂咁又點啊？噏住囉！ 然後呢？然後你既腋下就會開始有細菌滋生，產生味道。然而該味道帶點特殊既狐味，誘人非常！
講到尼到我諗你都明我想講咩啊〜腋毛的確係會令細菌係岀汗時更容易滋生，再散發味道。所以好多女士都會脱毛，一黎吾露毛，二黎都減低自己做香香公主既機會率啊嘛！你再幻想下平時撘地鐵，旁邊有人舉手扶住，你就會明白點解脱毛咁重要。
夏日係脱毛既季節，好多店舖都推出優惠。襯宜家有優惠快啲去脱毛啦！推薦埋尼間！Lumiere ！宜家有半價優惠添啊！
Lumiere夏日50% off 優惠 : https://goo.gl/44K6Pa
全站熱搜
留言列表
